Кандидатот за градоначалник од коалицијата „За подобра Македонија“ Зоран Ѓорѓиевски денеска оствари средба со стопанствениците од индустријата за производство на пластична и алуминиумска столарија и вети поддршка на малите и средни претпријатија во делот на одбележување на индустриските зони изградени со средства на самите стопанственици.
– Во програмата е планирано формирање на бизнис совет во општината каде што заеднички локалната власт и стопанствениците ќе разговараат за проблемите и заеднички ќе ги решаваат, рече Ѓорѓиевски.
Тој претпладнево оставри средба и со претставници на фудбалскиот сојуз, презентирајќи им ги проектите за развојот на спортот.
– Спортот има значајно место во програмата. Предвидена е изградба на нов фудбалски стадион, кој ќе биде еден од најрепрезентативните објекти во градот, две мултуфункционални спортски игралишта во “11 Октовмри” и село Пчиња, како и изградба на три помошни фудбалски, рече Ѓорѓиевски и додаде дека се залагаат за развој на училишниот спорт.