Кандидатот за градоначалник од коалицијата „За подобра Македонија“, Зоран Ѓорѓиевски денеска вети изградба на две мултинаменски спортски терени на простор во населбата „Зелен Рид“.
Во програмата, подвлече тој, предвидена е изградба на две тениски игралишта на овој простор, мултифункциононално игралиште помеѓу населбите „Ајдучка Чешма“ и „Иго Тричковиќ“, доизгрдба на градскиот стадион, како и изградба на три спортски сали во училиштата „Јероним Дерада“,„Кирил и Методиј“ и „Наце Буѓони“.
На кандидатот за градоначалник Ѓорѓиевски денеска поддршка му даде и министерката за внатрешни работи, Гордана Јанкулоска и посочи дека на овој простор благодарение на него ќе изникне уреден простор за спортување кој освен жителите на „Зелен Рид“, ќе го користат и граѓаните на Куманово.
– Денеска сме тука во условно речено една од најурбаните делови во Куманово и сите може да видиме како изгледа дефиницијата на Зоран Дамјановски и неговите ментори од СДСМ за развој на спортот. Иако, кумановци ја сметаат населбата за една од најурбаните од она што може да се види на терен е дека не постојат никакви услови за рекреација, просторот е запоставен. Нешто што потестува за желбата за рекреација се само стативи кои се стари неколку децении, изјави Јанкулоска.
