Кандидатот за градоначалник од Коалицијата „За подобра Македонија“ во Куманово Зоран Ѓорѓиевски денеска за заблагодари на граѓаните за поддршката во првиот круг и ги повика масовно да излезат во вториот круг на гласање.
Им благодарам на граѓаните кои што имаа чувство да ја препознаат вистинската вредност која се нудеше на овие избори. Голема благодарност и до оние кои се мислеа и кои ќе сфатат дека во вториот круг треба да ни дадат уште поголема поддршка затоа што на овој начин ќе ја потврдат првата промена и првото дело што се случи во Куманово, рече Ѓорѓиевски и додава дека очекува оти Куманово ќе застане на страна на коалицијата предводена од ВМРО ДПМНЕ за Куманово да стане град со кој ќе се гордеат сите.
Ѓорѓиевски во првиот круг на Локалните избори освои 27.759 гласа.
И Драган Петковски, носител на листата за советници ги повика кумановци масовно да излезат во вториот изборен круг и да гласаат за опцијата на ВМРО ДПМНЕ.
– Сакам да истакнам дека ветувањата што ги дадовме ќе ги реализираме, ќе работиме ефикасно во интерес на граѓаните. Доколку вашиот глас го дадете за Зоран Ѓорѓиевски реализирањето на проектите ќе биде остварливо, а Куманово ќе стане многу поубаво место за живеење од досегашното, рече Петковски.