Сведочиме на ужас кој не смее да се повтори, огромен пожар ја уништува животната средина и директно го загрозува здравјето на скопјани! Од самиот почеток, заедно со моите колеги Бобан и Дејан сме на терен и даваме сѐ од себе за да го ставиме под контрола овој разбеснет оган – алармираше на својот ФБ профил Орце Ѓорѓиевски, кандидат за градоначалник на Скопје.
Тој истакнува дека се ангажирани општествено одговорни компании кои со машинерија и песок помагаат во затрупување на пожарот.
-Со нас се и екипите на Противпожарната служба од Скопје и МВР. Се користат сите расположливи сили за ставање под контрола на оваа катастрофа! Ова што се случува е злосторство против народот, против луѓето на Скопје – вели Ѓорѓиевски.
Тој додава дека некој си игра со нашето трпение и здравје и упати апел до сите надлежни институции да постапат „итно и безмилосно“.
-Скопје и неговите граѓани не смеат да се гушат во чад и отров! Ние остануваме на терен со луѓето, сѐ додека пожарот целосно не биде изгаснат – објави Ѓорѓиевски.