Поактивно вклучување на локалните фирми во инфраструктурното уредување во градот, вети кандидатот за градоначалник на Куманово од коалицијата “За подобра Македонија” Зоран Ѓорѓиевски при денешната посета на фирмите од градежниот сектор во овој регион.
Тој напомена дека во изминативе години најмногу биле ангажирани фирми што не потекнуваат од Куманово.
– За нас приоритетни ќе бидат фирмите од Куманово кои ќе придонесат за развој и на самите фирми и на општината “рече Ѓорѓиевски и додаде дека сите остварени средби со стопанствениците од градот имаат за цел намалување на невработеноста во општината.
На денешната прес конференија Ѓорѓиевски ги повика кумановци масовно да излезат на 7 април и да ја изберат опцијата која нуди подобри времиња за сите граѓани на општината.
– Досега покажавте храброст и чувство. Се надевам дека на 7 април ќе ми ја дадете довербата и јас како иден градоначалник со тимот млади луѓе да го поведеме Куманово во еден поубав живот, преку програмата што ја нудиме и да работиме за подобар живот што ние како политичка опција го нудиме, рече Ѓорѓиевски.