Кандидатот за градоначалник на Куманово од ВМРО–ДПМНЕ, Зоран Ѓорѓиевски ја посети улицата „Трета МУБ“, за која смета дека треба да се збогати со зеленило, да се изградат паркинг-простори, односно да се обрне повеќе внимание на архитектурата, бидејќи градот изобилува со многу згради.
„Трета МУБ“ од еден многу убав булевар, прерасна во бетон и асфалт. Куманово на скалилото според зеленилото во градот е на последно место во Република Македонија. Ние континуирано во наредните четири години ќе работиме на разеленување, подигање на садници кои ќе бидат бели дробови на овој град. Садниците треба да бидат филтер, за правот и за издувните гасови кои овде ги има многу. Зголемување на бројот на зелените површини, кои ќе бидат место за одмор, за сите овие луѓе кои заслужуваат позелен град – изјави Ѓорѓиевски.