Кандидатот за градоначалник од ВМРО – ДПМНЕ, Зоран Ѓорѓиевски денеска ги посети Фондот за здравствено осигурување, Агенцијата за вработување, Центарот за социјални работи и фирма која што се занимава со производство на чевли.
Ѓорѓиевски нагласи дека треба постоечки индустриски капацитети да се засилат и развијат, да се бараат нови инвеститори и на тој начин да се намали невработеноста во Куманово.
Економскиот развој на Куманово ќе ни биде еден од главните приоритети. Покрај тоа што сме заинтересирани за барање на инвеститори за технолошко-развојната зона, која многу ќе значи за овој град. Потребно е проширување, зајакнување, подобар пласман. Во тој правец сите фирми кои значат нешто се на листа на оние на кои ќе им посветиме посебно внимание. Разговаравме за нивните проблеми, кои ги имаат и каде ние како локална самоуправа можеме да им излеземе во пресрет. Изготвен е предлог – закон во кој сите ќе можат да се најдат за развивање на малите и средни претпријатија во големи фирми – изјави Ѓорѓиевски.
Елена Георгиевска