Граѓаните се оние на кои им е потребна промена во Куманово, нагласи на денешната прес конференција кандидатот за градоначалник од коалицијата „За подобра Македонија“, Зоран Ѓорѓиевски.
– Победа за приклучување на Куманово на еден нов многу пропросперитетен и попрогресивен пат, пат по кој како доказ за она што го ветуваме ќе бидат реализирани дела. Дела кои ќе бидат трајно добро за нас и граѓаните на најголемата општина во Македонија, рече кандидатот Ѓорѓиевски.
Тој ги повика граѓаните на 24. март да ја исполнат својата граѓанска обврска, да излезат достоинствено и како што рече без да дозволат некому да влијае врз нив да го заокружат бројот 19 за Зоран Ѓорѓиевски и бројот 4 за советничката листа предводена од Драган Петковски, со што, потенцира, ќе го трасираат патот по кој Куманово ќе стапи во групата општини со кои Македонија ќе се гордее.
И претседателот на општинскиот комитет на ВМРО- ДПМНЕ,Мирослав Стојановски ги повика кумановци да гласаат за кандидатот за градоначалник Ѓорѓиевски и за советничката листа на Коалицијата „За подбра Македонија“.
– Убедени сме дека граѓаните ќе ги препознаат оние кои нудат конкретни проекти со нови визии за брз развој, кои Куманово ќе го претворат во посакувано место за живеење, истакна Стојановски.