Ѓоргиев: Еден член на Комисијата поднесе оставка, продолжуваме со работа

Од:

Претседателот на македонскиот тим експерти во заедничката македонско-бугарска Комисија за историски и образовни прашања, Драги Ѓоргиев, потврди дека еден член од Комисијата денеска поднел оставка.

Членот на Комисијата, Ванчо Ѓорѓиев денеска поднесе оставка, поради како што тврди „обиди за политичко влијание врз работата на Комисијата од страна на висок функционер на МНР“.

Во неговото писмено соопштение причини за неговата оставка се и, како што тој наведува, „двојното водство во македонскиот дел од Комисијата и отстапка од утврдените принципи за консензуално носење одлуки, измени во учебникот по историја без негова согласност, отстапка од зацртаните црвени линии од другите членови на Комисијата, а на штета на националните интереси“.

Комисијата најави дека наскоро ќе излезе со соопштение до јавноста, со што ќе даде повеќе детали за оставката на Ѓорѓиев.

Шефот на дипломатијата Бујар Османи, денеска на прес-конференција, прашан за оставката на членот на Комисијата, рече дека МНР никогаш не вршело притисок по однос на содржината на разговорите и одлуките што ги носат членовите на Комисијата за историско-образовни прашања со Република Бугарија. Тој истакна дека за него е најважно Комисијата да продолжи со работа и оти МНР ќе продолжи логистички да го поддржи тој процес, и, повтори ниту се мешало ниту ќе дозволи да се меша во содржината и во одлуките што ги носат историчарите. За Османи, како што рече, повеќе загрижува фактот што нема напредок на состанокот, „отколку тоа дали еден член поради различни причини се повлекол“.

Би можело да ве интересира

Очекуваме во наредните денови да има конкретни чекори на размена на предлози со Софија, вели Османи

Ана Ололовска

Ќучук: Верувам дека добрососедските односи немаат алтернатива

Ана Ололовска

Спорот со Бугарија повторно предмет на дебати на министерскиот совет во ЕУ

А1он

Керемедчиев: САД ќе го зголемат притисокот врз Бугарија поради С. Македонија

Ана Ололовска

Американски конгресмени со писмо до бугарскиот амбасадор во Вашингтон бараат да се тргне ветото за Македонија

Катерина Павлова-Николовска

Пендаровски: Да не се занимаваме со изјави од Бугарија додека не добиеме соговорници со целосен политички легитимитет

Ана Ололовска