Новата Влада на ВМРО-ДПМНЕ ќе отвори нови 70,000 работни места. Инвестициите кои што ќе дојдат во Македонија ќе ја зголемат вработеноста во државата, рече Владимир Ѓорчев, носителот на ИЕ 6, за време на посетата на Гостивар.
Според него, тоа ќе доведе и до зголемување на платите, односно како што се намалува невработеноста толку повеќе расте цената на трудот и работната сила.
– Владата предводена од ВМРО-ДПМНЕ ќе обезбеди 101 милиони евра евтини кредити со фиксна камата од 5,5% и рок на отплата до осум години како и инвестиции кои што ќе значат раздвижување на локалните економии. За инвестициите за обртни средства ќе има дополнителни три години кои што ќе бидат дел од пакетот за помош на стопанството. До сега под вакви услови во Македонија се отворени 7.000 работни места во локалните компании – рече Ѓорчев .