Пратеникот од ВМРО-ДПМНЕ, Владимир Ѓорчев, на собраниската говорница истакна дека никој од пратениците од СДСМ, во кампањата, не ги ветувал клучните проекти на, како што рече, владата во најава.
– Пратениците од средниот ред велат, на 11-ти декември ги добивме изборите, а некои од пратениците од левата страна велат дека на 29-ти јануари сме ги изгубиле изборите. Да, но тоа е така бидејќи имаме пост-изборен инженеринг, рече Ѓорчев.
Тој вели дека граѓаните преку нив зборувале за тоа што не им било понудено. Според него СДСМ треба да каже што договориле со ДУИ и дека владината програма која ја понуди Заев не била таа програма која што ќе ја исполнел.
