Германецот Герт Аренс ќе биде на чело на набљудувачката мисија на ОДИХР, кој ќе биде одговорен за проценка на регуларноста на локалните избори во месец, а својата мисија во Скопје ќе ја претстави во понеделник, пишува „Утрински весник“.
Аренс е познато име во Македонија и е еден од меѓународните експерти кои продефилираа низ земјава пред воениот конфликт во 2001 година.
Аренс ќе предводи мисија од 320 краткорочни и долгорочни набљудувачи во Скопје, наспроти вкупно 288, што на последните избори во 2011 година беа во земјава, и тоа од сите меѓународни организации, а не само од ОДИХР.
Аренс беше специјален пратеник на претседателството на ОБСЕ во нашата земја во 1999 година, а во својата кариера ги има запишано набљудувањата на изборите во Украина, Белорусија, Азербејџан, Грузија, Србија, Ерменија, Исланд и Норвешка.
