Уште еден пратеник од конзервативниот блок на германската канцеларка Ангела Меркел поднесе оставка по информација во списанието „Шпигел“ дека зел пари во замена за лобирање за политичка партија од Македонија.
Според изданието, Тобијас Цех, од Христијанско-социјалната унија во Бундестагот, во 2016 година добил петцифрена сума за да ја советува партијата на Груевски.
Понатаму се наведува дека Цех, исто така, лично водел кампања за Груевски, кој подоцна беше осуден за корупција и побегна во Унгарија.
Блокот Меркел веќе изгуби тројца пратеници поради скандалите околу договорите за набавка на заштитни маски.
