Герасимовски: Заедно со граѓаните ќе најдеме решение за бучавата во Капиштец

Од:

На вчерашната трибина „Заедно одлучуваме“ која се одржа во ООУ „Киро Глигоров“ во Капиштец, градоначалникот на Општина Центар Горан Герасимовски ги слушна предлозите, барањата но и поплаките од граѓаните во оваа населба информираат од Општина Центар.

– Речиси сите се однесуваа на проблемот со бучавата од околните кафе барови кој се провлекува години наназад. Градоначалникот Герасимовски по поплаките рече дека искрено и посветено ќе се заложи за изнаоѓање решение за овој проблем и притоа ги повика граѓаните да му се придружат.
„Се согласувам дека не е решението да пишуваме само една две или пет казни туку решението е во заедничкото делување. Во наредниот период заедно со вас ќе организираме и посебен состанок само на оваа тема и со претседатели на куќни совети за да најдеме трајно решение. Знаеме дека е огромен проблем со години. Ние според ингеренциите праќаме инспектори и пишуваме казни но очигледно не е доволно“, изјави Герасимовски.

За проблемот со бучавата Герасимовски истакна дека се провлекува со децении не станува збор само за бучавата туку е и проблем со недостаток места за паркирање на станарите.На трибината „Заедно одлучуваме“ Герасимовски се осврна и на досега реализираните проекти во општината како инфраструктурните зафати со уличната мрежа, реконструираното детско игралиште, новиот пензионерски клуб во т.ц. Беверли Хилс и катната гаража со капацитет од 260 возила која треба за почне со изградба се наведува во соопштението од Општина Центар.

Трибините „Заедно одлучуваме“ на која граѓаните даваат свои предлози кои се разгледуваат и според потребите ќе бидат вградени во Буџетот за следната година, утре продолжуваат во ООУ „Ј.Х. Песталоци.

Би можело да ве интересира

Герасимовски: На барање на граѓаните ги засилуваме контролите на нелегалните препродавачи кај Зелен пазар

Општина Центар: Во тек е Јавен повик за ангажирање на лични асистенти на учениците со посебни образовни потреби

Ана Ололовска

Општина Центар: Поради безбедносни причини црквата „Св. Константин и Елена“ на улица Македонија ќе остане оградена

Ана Ололовска

Герасимовски: Во наредниот период засилени контроли на застаклените тераси на локалите

Ана Ололовска

Герасимовски: Сопствениците ја рушат доградбата на улица „Македонија, нема да толерираме дивоградби

Катерина Павлова-Николовска

Герасимовски: За помош за новороденче отсега доволно е само еден родител да биде од Општина Центар