Герасимовски: Состојбата на Водно ја решаваме заедно со граѓаните

Од:

На барање на градоначалникот на Општина Центар, Горан Герасимовски, вчера вечер се одржа повторна средба со граѓаните од Водно, односно со жителите од улиците „Питу Гули“, „Козара“, „Салвадор Аљенде“ и околните улици.

dobivaj vesti na viber

Како што информираат од Општината, на средбата се разговарало за решавање на проблемите со новите градби на Водно и заштитата на парк шумата, при што градоначалникот им понуди општинска поддршка на претставниците на жителите преку целосен увид во документација од Деталниот урбанистички план Градска четврт Ј 07 – Локалитети: Капиштец, Завод за медицинска рехабилитација, Старо Водно, Долно Водно, Мало Курило и Цвеќара.

„На вечерашната средба со граѓаните на Водно, им понудив заедничка соработка и увид во документацијата за ДУП-от Ј 07, која ќе биде достапна за претставниците на жителите од овој дел од Центар. Нашиот заеднички интерес е заштита на зелениот појас и ние како општина, ќе сториме сѐ во рамки на можностите за да ги сопреме градбите кои се надвор од законот. Затоа и барам внимателна анализа и од страна на жителите. Исто така, на оваа средба ги повикав граѓаните да ја пријават секоја нова градба за која сметаат дека е надвор од законските прописи“, изјави Герасимовски.

Претставници на групата граѓани од Водно во текот на наредната недела ќе се сретнат со Герасимовски и општинските служби, со цел подетално и од прва рака да се информираат за градежните активности, но и за тековните состојби на падините на скопските бели дробови. Заедничката и директна комуникација со граѓаните носи подобри резултати и решенија во полза на сите засегнати страни. Од оваа причина, градоначалникот на Општина Центар иницира директни средби за брзи и конкретни решенија, соопштува Општина Центар.

Би можело да ве интересира

Герасимовски: Аплицирајте на повикот на Општина Центар за нега на стари лица во домашни услови

Ана Ололовска

Душко Коцевски е нов в.д. директор на ЈП ПОЦ

Ана Ололовска

ВИДЕО: Родителите не дозволуваат изнајмување на училишното игралиште во „Киро Глигоров“ и изградба на кафуле

Ана Ололовска

Започнува проектот„ Цел Центар на точак“, субвенции за велосипеди, Е-велосипеди и Е-тротинети

Ана Ололовска

Имотот на „Треска“ нема никаква врска со стечајните работници

А1он

Герасимовски: Вo понеделник Кризниот штаб ќе носи одлуки за чистење на отпадот во „Треска“