Герасимовски: Со одлуката за начинот за употреба на механизирани паркинг системи го решаваме хаоосот со паркирањето во градежните парцели во Центар

Од:

На денешната 14-та седница, покрај останатите точки, на предлог на градоначалникот на Општина Центар, Горан Герасимовски, Советот ја донесе и Одлуката за доуредување на начинот на обезбедување паркинг места во рамките на градежна парцела со употреба на механизирани паркинг системи.

dobivaj vesti na viber

Со оваа одлука се пропишува начинот на обезбедување паркинг места со употреба на механизирани паркинг системи (т.н. „клацкалки“) во рамките на градежните парцели. Механизирани паркинг системи се сите видови на машински потпомогнати системи со кои се обезбедува подигање и/или спуштање на возила со цел искористување на просторот под, односно над друго возило како дополнително паркинг место, а притоа не претставуваат градежни структури, известува Општина Центар.

Со одлуката се забранува употребата на механизирани паркинг системи со повеќе од две нивоа, а нивната употреба се ограничува во рамки на градежната парцела, односно во делот кој е предвиден за градење, каде што системите може да се поставуваат на приземното ниво и во подземните нивоа.

„Оваа одлука неколку месеци ја разработуваме, за да можеме да ја образложиме и претставиме пред Советот. Најголем проблем се зградите и паркинзите таму, а наше е да имаме законски увид. Со оваа одлука решаваме еден голем проблем, а размислуваме да се формира комисија за домување, која за задача ќе има по градењето да врши увид на терен, да види што се случува со паркирањето и дали се користат механизираните системи“, изјави на седницата градоначалникот Герасимовски.

Во градежните парцели со површина до 1000 метри квадратни, дозволена е употреба на механизирани паркинг системи доколку најмалку 50% од потребниот број на паркинг места се обезбедени без механизирани системи, а за оние парцели со површина од над 1000 метри квадратни дозволена е употреба доколку најмалку 90% од потребниот број на паркинг места се без паркинг системи, се вели во соопштението на Општината.

Би можело да ве интересира

Четвртоодделенците од основните училишта изминатата недела ја посетија и се запознаа со работата на Општина Центар

Ана Ололовска

Започнаа училишните спортски игри во Општина Центар

Герасимовски: Почнува Јавниот повик за доделување 3.300.000 денари за пензионерите во Центар

Горан Наумовски

Герасимовски: Граѓаните може да пополнат онлајн прашалник и да предложат проекти за својата населба

Ана Ололовска

Герасимовски: Заедно со граѓаните ќе најдеме решение за бучавата во Капиштец

Герасимовски: Обезбедуваме 260 нови паркинг места во Капиштец и резидентни паркинзи за центарци

Ана Ололовска