Градоначалникот на општина Гази Баба, Борис Георгиевски на средба со министерката за труд и социјална политика, Мила Цароска информирал за проблемот кој го има општината со малиот капацитет во градинките, како и недостигот од кадар.
Георгиевски и Цароска разговарале и за проектот за изградба на нова градинка во Стајковци со капацитет за 60 деца, при што договориле општината да ја гради со поддршка на Министерството за труд и социјална политика.
Станало збор и за отворање нов дневен центар за деца со посебни потреби во општина Гази Баба.