Во Куманово се сме собрани сите, и левица и десница и центар, за да победиме на 24.март, порача лидерот на ВМРО-НП, Љубчо Георгиевски.
„20 години одиме на избори, и не се бира на локалните избори само градоначалник, но тие се секогаш можност за да се каже и односот кон централната власт. Ако 2 години се жалите, сега е време да го кажете тоа. Ако на 24.март не ја пратиме пораката, тогаш џабе ќе говориме колку ни е тешко“, рече Георгиевски.
Ние гледаме, рече две Македонии, една од рекламите, и друга, реална, сиромашна со огромен број невработени.
„Во реалната Македонија има најлоши услови за здравствени услуги. Не можам да разберам како сите градови не станаа да се побунат против проектот Скопје 2014. Во Македонија е најзагрижувачко големото иселување на младите од Македонија. Цела Источна Македонија наликува на една голема пустина“, рече Георгиевски.