Власта тотално е забегана – вака потпретседателот на СДСМ Гордан Георгиев коментира што во буџетот нема пари за надгробен споменик на вечното почивалиште на Тоше Проевски, а вчера им било дадено и отказ на вработените од спомен куќата на македонската поп ѕвезда.
„Ова лудило на трошење буквално на глупости, и за Скопје 2014, и за мостови и за разно-разни „приоритети“ за Владата, мислам дека веќе ги доживува крајните граници и мојот единствен коментар е забеганост.
– Кога тие не можат да овозможат минимални финансии за нашиот починат великан Тоше Проески, тогаш очигледно дека и Никола Груевски и владејачкото мнозинство живеат во некој друг, виртуален свет кој што не е наш и не е оној кој што ние го живееме во Република Македонија“ – изјави Георгиев.