Генијалецот негира дека е пријавен на конкурсот на Министерството за здравство

Од:

Проф. д-р Октај Ахмед демантира дека е првиот пријавен на конкурсот на Министерството за здравство, откако со неговото име се шпекулираше во неколку медиуми, а и преку социјалните мрежи.

dobivaj vesti na viber

Во продолжение e демантот на Проф. д-р Октај Ахмед.

Деновиве во печатените и во електронските медиуми, како и на социјалните мрежи е актуелен конкурсот на Министерство за здравство, според кој кандидатите за советници кои ќе се ангажираат при ова Министерство треба да поседуваат сертификат од Менса за коефициент на интелигенција од најмалку 140 IQ.

Откако Министерството објави дека веќе еден кандидат се пријавил на конкурсот, некои медиуми го објавија наводниот сертификат од Менса на пријавениот кандидат. Во документот фигурира и моето име, меѓутоа на денот кога писмото е испратено (07 ноември 1999 година), бев само контакт-лице за кандидатите од Македонија, бидејќи бев официјалниот организатор на првото Менса тестирање во Македонија и дозволата за организирање на Менса тестирање во Македонија беше на мое име. Тоа беа резултати од првото Менса тестирање во Македонија. Подоцна, со овие кандидати кои го исполнија условот за влез во Менса, официјално и ја формирав Менса Македонија.

Исто така, на социјалните мрежи (Facebook и Twitter) се појавија информации дека јас сум тој пријавениот кандидат на конкурсот на Министерството за здравство. Дури имаше и линкови до мојата приватна веб страна.

Поради тоа, цело време мојот приватен мобилен телефон ѕвони и затоа бев приморан да го исклучам.

Сакам тука пред целата македонска јавност да искажам ДЕМАНТ на сето објавено во врска со моето име.

Јас сум професор на Филолошкиот факултет „Блаже Конески“ во Скопје. Ниту работам, ниту ќе работам во здравство, ниту, пак, планирам да аплицирам за било какво советничко место во било кое наше министерство.

Од друга страна, сакам да напоменам дека, иако основач, веќе две и пол години не сум член на Менса Македонија, туку во моментов сум директен член на Меѓународната Менса (Mensa International) со седиште во Лондон.

Со почит,
Проф. д-р Октај Ахмед

Би можело да ве интересира

Отворено писмо на Здружението на лекари специјализанти до премиерот Ковачевски

Ана Ололовска

Стевановиќ: Во Македонија никогаш досега немало мајмунски сипаници, избегнувајте контакти со болни

Маја Илиевска-Пачемска

Приватното здравство се обединува во Комора, за подобри услуги на граѓаните и деловен развој

Ана Ололовска

Филипче: Во 2022 година 5% зголемување на платите на сите вработени во здравство

Ана Ололовска

Препораки во пресрет на празниците: Храна и пијалаци во умерени количини, без пиротехника и оружје

Ана Ололовска

Пациент запалил цигара во болничка соба за кислородна поддршка, навремена реакција спречила експлозија

Ана Ололовска