Вработените во прилепската фабрика „Еурокомпозит“ продолжуваат со генералниот штрајк веќе осми ден.Претставниците на синдикатот информираат дека имале средба со министерот за економија Ваљон Сарачини, кој ги инфоримирал за новиот тендер за продажба, ветувајќи им излез од оваа ситуација.
Првиот синдикалец, Бранко Чатлески, најави дека в недела е закажана средба со премиерот Никола Груевски.Според него работниците се доведени во очај, без пари и без сини картони и бараат начини за преживување и не веруваат дека нешто брзо и ефикасно ќе се случи. Многумина од вработените доброволно бараат да бидат прогласени за технолошки вишок за да можат да се оперираат.
И директорот Никола Лучески нема конкретно решение за проблемот, бидејќи тендерите за продажба на фабриката се неуспешни.
Од синдикатот најавуваат дека доколку Владата не излезе со конкретни решенија и не им бидат исплатени заостанатите плати, ќе излезат на заеднички протест со вработените од Тутунскиот комбинат, загубарите од ЕМО Охрид и вработените во Охис.
А.Ш.