Генерал Мими, изманичката која според полицијата излажала 12 граѓани ветувајќи вработувања и тендери за набавки за американската база Бондстил на Косово денеска даде исказ во судница. Иако првично полицијата ја товареше за тешка измама од речиси десет илјади евра, обвинителството утврдило дека оштетата за измамата чини 6.000 евра а измамени се пет лица.
Генерал Мими се бранела дека не се точни наодите на МВР дека за посредување за вработувањата барала илјадници евра. За услугата земала од 100 до 200 евра а тие кои немало да ги вработи тврди дека им ги враќала парите.
Полицијата пред речиси два месеца ја уапси 34-годишната скопјанка позната како Генерал Мими, а за нејзините измами бил запознаен и врвот на НАТО кој според МВР,побарал да се покрне истрага за лажните ветувања на скопјанката за вработувања во базата Бондстил на Косово.
Бојан Стојановски
