ГДУ до Шилегов: Скопјани не Ве гласаа за да се борат со инсекти

Од:

„Господине Шилегов не МОЖЕБИ, туку мора да прскате против комарци што побрзо. Градот врие од комарци, мушички и инсекти. Состојбата е неподнослива.

Го повлековте тендерот, зошто се сомневавте дека средството со кое се прска е штетно. И ви текна да го испитувате во јуни. А притоа јавната набавка е почната уште на 19 февруари. Ова е навистина несериозно.
И уште понесереизоно е тоа како прво избравте тендер, па отпосле почнавте да се сомневате и да согледувате што се избрале?

Во градот Скопје до крајот на годината треба да се прска пет пати, а ние уште го чекаме првото и дотогаш треба да се снаоѓаме како знаеме и умееме.

Господине Шилегов, скопјани не Ве гласаа за да се борат со инсекти. Не ве избраа за да одгледуваат бубачки и комарци и да не можат да прошетаат низ парковите, оти се преполни со легла од комарци.

Да Ве потсетиме, Ваша обврска е да прскате навремено!

Сигурно знаете, ама ќе ве потсетиме и на тоа дека прскањето треба да почне во април, најдоцна треба да се испрска во почеток на мај.

И добро е да се испита што се прска, ама на тоа требаше да се сетите порано“, се вели во соопштението на Димо Петкоски, секретар на Граѓанско Демократска Унија-ГДУ.

Би можело да ве интересира

18-годишна девојка во центарот на Скопје била нападната од манијак

Горан Наумовски

Поради снегот, Итната помош во Скопје деновиве имала 254 интервенции

3,5 милиони евра за снегот и мразот по улиците, но сумата допрва ќе расте

Скопје под снег, врнежи во цела Македонија

Предраг Петровиќ

(ВИДЕО) Поддршка за Александар Вучиќ во Скопје

Горан Наумовски

Разбојник со нож при неуспешен грабеж повредил продавачка