ГДУ: На граѓаните им е преку глава од истите ликови кои со години ги лажат дека ќе биде подобро

Од:

Вицепремиерката Радмила Шекеринска ќе рече системот е трул, „метлата“ не била доволна, морало да се раздрма цела држава. Да, се согласуваме дека треба да се раздрма цела држава, но тоа не можат да го направат транзициски политичари. Министерке, кога зборувате за системот и за тоа каков е тој, сетете се дека вие учествувате во градење на истиот, вели Граѓанско Демократска Унија, преку соопштение.

Како може тој што го создал проблемот сега да го решава? Зарем ова не е лицемерно?, прашува ГДУ.

Проблемот со администрацијата во изминатиот период наместо да се решава, се надградуваше и прошируваше. Како и за претходните, така и за оваа власт важи правилото со партиска книшка до загарнтирано место во администрација. Или пак она другото да си татко, сестра, стрина, вујна, син, на некој некој пратеник или министер, додаваат од партијата.

Промените не можат да ги направат стари, како што велат од ГДУ, истрошени и транзициски кадри кои ја опустошија земјата и ги натераа младите образовани луѓе да ја напуштат државата и да бараат иднина на друго место. Ги примораа да бегаат од својата сопствена земја во која непотизмот е секојдневие, владее криминалот и корупцијата, наместо правото. На граѓаните им е преку глава од истите ликови кои со години ги лажат дека ќе биде подобро. Но граѓаните, особено младите веќе не ви се лутат на лагите, ве игнорираат, ги пакуваат куферите и заминуваат. Ова мора да се промени.

И затоа не можеме да го сокриеме задоволството, што идеите за кои се залага ГДУ станаа дел од секојдневната политичка комуникација во земјава и перцепцијата за промени и реформи има се повеќе приврзаници. Ги охрабруваме т.н. политички фактори прво да се променат себе си, а потоа да бидат дел од промените, заклучува Граѓанско Демократска Унија.

Би можело да ве интересира

Филипче од Јакреново: Таму каде што СДСМ има градоначалници, има резултати

ВМРО-ДПМНЕ: Наместо да понуди решение или аргументирана критика, СДСМ продолжува по старата, погрешна насока

Трајановски: Чист, безбеден и достоинствен Аеродром е мојата визија за современа и хумана општина

(ВИДЕО) Милевски: Сомнителен молк на кандидатот на ДПМНЕ, Костадиновски за случајот Детонатор, а Пулс, дивата сеча и тепањето советник

(ВИДЕО) Трајановски: Имаме конкретни приоритети за Лисиче, визија за похуман и безбеден Аеродром

ЗНАМ: СДСМ, ресетирајте се – излезете од канџите на муртинските коруптивни мрежи!