Гаши: Собранието е подготвено за донесување на уставните измени

Од:

Претседателот на Собранието, Африм Гаши на денешниот брифинг со новинарите нагласи дека законодавниот дом е подготвен да ја почне процедурата за донесување на уставните измени, доколку, како што рече, има политички договор.

– Мислам дека јавноста ги знае ставовите на политичкото мнозинство во државата. Што се однесува до Собранието веднаш штом ќе има политички договор ние сме спремни да ја почнеме процедурата, рече Гаши коментирајќи ја вчерашната изјава на новата еврокомесарка за проширување Марта Кос дека очекува Северна Македонија да го промени Уставот и да го забрзаме процесот.

Гаши смета дека веќе имаат обезбедено потребното двотретинско мнозинство за гласање на уставните измени.

– Мислам дека имаме две третини. Тој процес во Собрание, мислиме дека лесно ќе помине и ќе го реализираме, но зависи од политичкиот моментум, рече Гаши.

Новата еврокомесарка за проширување Марта Кос, во изјава за медиуми вчера истакна дека очекува Северна Македонија да го промени Уставот, бидејќи, како што рече, тоа е нешто на коешто смета Европската Унија. На прашањето дали после тоа може да се дадaт гаранции дека нема да има други блокади, Кос рече дека таа не е онаа којашто може да даде одговор на тоа прашање.

Би можело да ве интересира

Комисијата која заглави поради Законот за бранителите останува блокирана, пропадна обидот на Гаши да ја нормализира состојбата

Катерина Ѓуровски

Со церемонија пред Собранието Гаши го пречека претседателот на хрватскиот Сабор

Гаши: Владата треба да биде внимателна во Собранието како се однесува кон пратениците

Патувањето на сопругата на Гаши на НАТО самитот во Вашингтон е законско, одлучи Антикорупциска

Гаши: Немам ингеренции да предлагам претседател на Комисијата за социјална политика, туку само да одредам пратеник за свикување седници

Левица бара Гаши да ја одблокира декларацијата за признавање на Палестина која е блокирана од Муса Џафери

Катерина Ѓуровски