Не постои сеизмолог или експерт по земјотресно инженерство кој може прецизно да каже дали ќе има или не нов земјотрес, вели првиот човек на Институтот за земјотресно инженерство и сеизмологија (ИЗИИС) Михаил Гаревски.
Според него, земјотрес со магнитуда од 5 степени според Рихтер не би требало да направи оштетувања на главната конструкција на зградите.
Помали оштетувања се случија денеска попладне на повеќе објекти низ Скопје, а се апелира до граѓаните доколку забележат поголеми оштетувања на објектите во кои живеат, да ги информираат надлежните служби.