Управниот суд донесе Решение за времена мерка со која и се забранува на Општина Карпош да презема какви било дејствија, сè до правосилно завршување на судската постапка за легализација на објектот гаража на семејството Петковски во Тафталиџе.
Семејството Петковски минатиот месец поднесе тужба до Управниот откако по шест години одлучување Општина Карпош реши да им го одбие барањето за легализација на гаражата.
Според Мартин Петковски, сопственикот на гаражата, општината сака да му ја сруши гаражата за да му направи пат на поранешниот министер Спиро Ристовски до неговата парцела. „Мојата гаража не ја давам, дај ја Стевче ти твојата“, му порача Петковски на градоначалникот на Карпош на протестот оваа недела на кој учествуваа и соседите на Петковски кои му дадоа поддршка за спорот против Јакимовски и Ристовски.