Габриел не сакала да биде на иста маса со Лавров и затоа предвреме заминала од Скопје

Од:

Не можам да бидам на иста маса со луѓе кои имаат антибугарски и антиевропски манифестации, изјави вицепремиерката и министерка за надворешни работи на Бугарија, Марија Габриел, коментирајќи го нејзиното заминување од Министерскиот совет на ОБСЕ во Скопје пред пристигнувањето на шефот на руската дипломатија Сергеј Лавров.

– Бев во Скопје да изразам почит на претседавачот со ОБСЕ. Покрај тоа, имаше вечера на европските лидери на која секој од нас требаше да каже дека сме таму затоа што не сакаме да ја потпишеме смртта на ОБСЕ. По таа вечера, мислам дека моето присуство таму не требаше да биде физичко, па затоа заминав. Не сакам да присуствувам со претставници на земји кои нè прогласија за непријателски, рече Габриел.

Бугарија, иако претходно соопшти дека дава дозвола за прелет, сепак, не дозволи авионот на рускиот министер за надворешни работи Сергеј Лавров, на пат кон Скопје, да помине низ нејзиниот воздушен простор бидејќи во него се наоѓала и портпаролката на руското МНР, Марија Захарова.

Поради тоа, Лавров во Скопје пристина преку Турција и Грција, а летот траел пет часа.

Официјална Москва ја нарече бугарската забрана „опасната глупост на некој шегаџија во структурите на моќ во Бугарија“.

Би можело да ве интересира

Лавров: Европските лидери кои беа против прекинот на огнот се предомислија

Лавров: Спремни сме за нов договор за Црното Море ако Зеленски истиот го почитува

Западот сака да ја скроти Русија, тоа Наполеон и Хитлер веќе го пробаа

Путин го одликува Лавров на неговиот 75-ти роденден

Лавров: Не ме интересира ставот на ЕУ за Украина, имаме „нормални“ разговори со американски претставници

„Фирер“, така Лавров ја нарече претседателката на Европската Комисија

Горан Наумовски