„Пред најавената средба на Министрите за надворшни работи на Република Македонија и Република Грција, Форумот на слободоумни патриоти сака јасно и гласно да му каже на Никола Димитров, Министер за надворешни работи на Република Македонија дека нема ама баш никој нема право да преговара за нашето Уставно име.
Сакаме да му укажеме на Министерот Димитров дека за тоа име и за нашата слобода многу генерации Македонци го положиле својот живот. Ние не смееме да заборавиме на нивните аманети, ниту имаме право да одлучуваме во име на генерациите кои доаѓаат!
Го повикуваме Министерот Димитров јасно и гласно да и каже на македонската јавност со која агенда оди во среда за Атина на средба со Министерот за надворешни работи на Република Грција.
За крај Министре, преку 130 држави не признаа под уставното име и тоа е верификувано во Организацијата на обединетите нации, време е мудро да се искористи тоа! Време е Министре да ги дефинираме нашите црвени линии, позиции од кои нема отстапување“, се вели во соопштението на ФСП.