Фросина Ременски избрана за претседател на Буџетскиот совет на Собранието

Од:

Собранието во продолжението на 35-та седница денеска именуваше членови и заменици-членови на повеќе собраниски комисии и други тела.

За претседател на Буџетскиот совет на Собранието на РМ е избрана Фросина Ташевска Ременски, а нејзин заменик член е Лилјана Кузмановска. Ова тело има девет членови.

Пратениците пред Собранието ги изнесоа предлозите на законските измени и дополнувања во прво читање со кои се врши усогласување со Законот за јавна администрација, а за нив ќе се изјаснат на 12 март, за кога е закажано и продолжението на 35-та седница.

Претходно, Собранието на РМ денеска го избра Насер Ајдари, дипломиран правник и државен правобранител, за нов судија во Уставниот суд на Република Македонија.

Собранието на денешната 35. седница ги избра и Ангел Солев, поранешен судија и Ангеле Илиевски, адвокат за членови на Советот на јавни обвинители.

Собранието денеска усвои и Декларација по повод 75 години од депортацијата на Евреите од Македонија во логорот на смртта Треблинка.

На денешната седница не беа присутни пратениците од опозициската ВМРО-ДПМНЕ.

Би можело да ве интересира

Собранието ја одобри постапката за укинување на техничката влада

Горан Наумовски

Собранието ќе расправа за законските измани за укинување на техничката влада

Поништени огласите за членови на Судскиот совет од редот на Собранието и за избор на член на Комисијата за спречување и заштита од дискриминација

Собранието одлучи: Нафтената кризна состојба се продолжува до 20 јули

Исаку и Османи предложени за членови на Судскиот совет од страна на Собранието

Шабани e нов заменик-министер за одбрана, а Сулејмани во образование одлучи Собранието