„Со вчерашните експресни измени на Изборниот законик и Законот за Влада со кој се разрешија министрите и дополнителните министри од опозицијата, за ФРОДЕМ де факто е кршење на Договорот од Пржино. Договорот од Пржино е мртов. Лицемерно и крајно дегутантно и вулгарно е образложението дека избори нема да се одржат и не се потребни министри и дополнителни министри од опозицијата. Ако е така, тогаш зошто е технички премиер за спроведување на избори? Целта е повеќе од јасна и морбидна. Се до одржувањето на изборите партиската криминализирана вршушка на ДПМНЕ, преку МВР и понатаму да ги заплашува граѓаните, да апси неистомисленици, да монтира нови политички случаи, да го контролира судството како и да ја оневозможи работата на СЈО. Од друга страна преку киндер Министерот за труд и социјала и понатаму со државни средства да се врши манипулација со ранливите категории на граѓаните.
Вчерашнaта трагикомедија во Собранието на Р. Македонија уште еднаш јасно го покажува вазалскиот и сервилен одос на ДУИ кон својот поголем коалиционен брат по политичко криминални бизнис интереси. Овој чин е класична потврда на народната поговорка дека ,, Врана на врана очи не вади”. За реализација на т.н сценарио ,,за последен пат себе-спасувачка акција” најголема одговорност сносат првиот извршител на владата, сервилниот спикер Трајко Велјановски и менично врзаните пратеници кои ставајќи се во улога на глувонема гласачка машинерија во целост го девалвира начелото на поделба на власта. По којзнае кој пат го прекршија Уставот и законите на РМ и направија сериозни и несогледливи штети на државата и нејзините граѓани. Со својот начин на однесување и делување сите тие стануваат соучесници во злосторничко здружување за што ќе се соочат со сериозна кривична и материјална одговорност.
Го повикуваме Ѓорѓе Иванов да собере храборст и конечно барем малку да го покаже својот вербално деклариран патриотизам и во текот на денот да ја повлече неговата незаконска аболиција како и да не ги потпишува вчера укинатите одредби на Законот за Влада на Република Македонија“, соопштуваат од ФРОДЕМ, Фронт за демократска Македонија.