Во пресрет на изборот на нов Ректор на УКИ, ФРОДЕМ очекува дека академската заедница на нема повторно да подлегне на притисоците од власта и ќе покаже дека навистина е загрижена за академската автономија. Веруваме дека никогаш повеќе нема да се повторат ситуациите кога изборите беа спроведувани по нарачка, а избраните не задоволуваа ниту еден од критериумите пропишани од Сенатот, којшто ги потврдуваше наспроти тоа, велат од ФРОДЕМ.
„ФРОДЕМ и во оваа и во сите слични ситуации ќе укажува на оние што ги носат одлуките дека при секој избор на значајни раководни функции мора да се почитуваат начелата на стручност; одговорност; справедливост и интегритет на личноста. ФРОДЕМ постојано укажува дека просперитет на општеството може да се постигне единствено ако се негува професионализмот, ако на секое место застане човекот што најдобро ја познава својата работа и ако средствата им се доверуваат на оние што најдобро ќе ги употребат. Јавните устранови треба да предничат во ова – да се даде пример на професионализам, одговорност и интегритет во вршењето на својата дејност, на обезбедувањето јавни услуги на сите нивоа, со поставување на вистинските луѓе на вистинските места.
Зачудени сме од молкот на Ректорската управа на УКИМ на обвинијата дека нелегитимни претставници на студентите ќе гласаат за избор на нов ректор на УКИМ.
Именуваните нови претставници без согласност и знаење на мнозинството студентите е обид по којзнае кој пат да биде злупотребен гласот на неговото височество студент.
Продолжување на досегашната практика на лобирање и поставување на свои послушници и прислужници на местото Ректор на УКИМ само дополнително ќе ја влоши состојбата во високото образование и наместо автономија ќе имаме повторно безличен Ректор и ректорска управа во служба на партиите на власт“, стои во соопштението на ФРОДЕМ.