Иницијативниот одбор за изградба на фекална канализација во МЗ Трубарево општина Гази Баба денес со почеток во 19 часот ќе одржи средба со граѓаните на месната заедница на која ке информира за фирмата изведувач, цената на чинење на фекалната канализаицја, рокот на отпочнување како и динамиката на работите и условите за приклучок. Според информациите од граѓаните, тие ќе бидат задолжени од сопствен џеб да платат по околу 25.000 денари за изградба и приклучок на фекалната канализација, реагираат со соопштение од ФРОДЕМ.
-Зачудува фактот како оваа месна заедница која е на помалку од десетина километри од центарот на градот Скопје, во втората половина на втората декада на 21 век се судира со непостоење на елементари услови за нормален живот. Го прашуваме аболицираниот, па деаболицираниот градоначалникот на општината, Тони Трајковски како во општинската каса нема средства за изградба на фекална канализација за оваа месна заедница? Зошто граѓаните сами мораат да платат од својот џеб кога и онака најголемиот број семејства едвај врзуваат крај со крај. Вака ли се ветуваат и реализираат проектите од проширената и надградената програма на градоначалникот и неговата партиска врхушка, велат од ФРОДЕМ.
Како е можно во буџетот да има средства за споменици и други луксузирања, а да нема пари за проекти со кои се обезбедуваат елементарни услови за живот. Дали градоначалникот за едни е мајка, а за други е маќеа иако за време на изборите барем вербално сите му беа еднакви?. ж
Со ваквиот неодговорен и селективен однос кон своите сограѓани од општината, градоначалникот на општина Гази Баба пред крајот на вториот мандат го покажа своето вистинско грдо лице, како и тоа дека по ништо не се разликува од неговата партиска врхушка, велат од ФРОДЕМ.