„ФРОДЕМ целосно ја поздравува и поддржува првата акција на Специјалното јавно обвинителство. Обвинителството покажа завидно ниво на решителност и висок степен на професионалност во правната презентацијата на сите елементи на акцијата „Титаник“.
За жал, судството и понатаму останува недопирлив бастион на режимот. Праксата и статистиката недвосмислено покажува дека судот за многу полесни кривични дела определувал мерка притвор. Опасноста за влијание на сведоците од страна на високите партиски функционери е огромна и се поизвесна. Во оваа смисла поединците судии кои одлучуваат во вакви сложени предмети не треба да дозволат да бидат заглавени во политички лавиринти поради кој патот до правдата, односно до фактите и сведоците, сериозно може да биде доведен во прашање. Доколу тоа го дозволат одговорноста и последиците стануваат заеднички, со што тие стануваат соучесници. Ние ги охрабруваме надлежните судски институции како Судскиот совет на РМ и другите органи ваквите деформации да ги утврдат и да се поведат соодветни постапки за санкционирање на прекршителите. Од нив бараме да овозможат непречено спроведување на законот и правдата. Жалбите на СЈО по поднесените кривични пријави како и предлог мерките за одредување на притвор за еден дел од обвинетите треба многу сериозно да бидат разгледани.
ФРОДЕМ ја потсетува јавноста и граѓаните на десетината монтирани политичко-полициски случаи, во кои орди специјалци во раните утрински часови апсеа политички противници, плашеа и трауматираа жени и деца. Во овие надувани спектакуларни апсења мерките притвор беа однапред определени, а немаше ни трошка од презумцијата на невиност. Осомничените однапред преку режимските медиуми беа осудени. На овие тешки повреди на правата треба да им се стави крај и сите што учествувале во нив да одговараат.
ФРОДЕМ го повикува и охрабрува обвинителството веднаш да продолжи со своите акции и активности. Притоа, укажуваме дека при одлучување околу фактот кои предмети ќе бидат земени во работа треба да се земе во предвид итноста на предметите, фазата во која предметите се наоѓаат, како и обемноста на истите. Особено предметите кои се наоѓаат во жалбена фаза. бвинителството сето ова самото го потенцираше во своите соопштенија. Во нив јасно наведе дека мисијата на обвинтелството е директно поврзана со обезбедување на еднаков третман на сите пред законите и зголемување на правната сигурност и довербата на граѓаните во правосудниот систем на РМ.
ФРОДЕМ ги повикува обвинетите функционери на ВМРО-ДПМНЕ да дадат оставки или да ги стават во мирување своите партиски и државни функции додека трае кривичната постапка. Доколку тоа самите не го сторат, тогаш ги повикуваме органите на партијата да го сторат тоа. Така ќе покажат и докажат дека не се кријат зад ВМРО-ДПМНЕ и не го доведуваат во прашање целокупниот кредибилитет на ВМРО-ДПМНЕ. Сиот овој повик е дотолку повеќе значаен затоа што има јасни најави, индиции и факти дека ќе бидат кривично гонети за кривични дела поврзани со лично богатење“, се вели во соопштението на ФРОДЕМ.