Студентски пленум ја подготви програмата на настани што ќе се одвиваат утре, на осмиот ден од прогласувањето Автономна зона на УКИМ.
Во рамки на алтернативните предавања, кои ја заменуваат официјалната настава, ќе биде одржано предавање на професорот Љубомир Данаилов Фрчкоски и Ристо Солунчев на тема „Држава и субјект: оглед за моќта на образованието и образувањето на моќта“. Излагањето на професорите ќе може да се проследи во аулата на Филозофски/Филолошки факултет од 14 до 16 часот. Програмата е збогатена со културно-уметнички настани, како изложба на фотографии и перформанс.
11:00 – 16:30 Ликовна работилница на студентите од Факултетот за ликовни уметности – „Пленумска слагалица“
14:00 – 16:00 Љубомир Данаилов Фрчкоски и Ристо Солунчев – „Држава и субјект: оглед за моќта на образованието и образувањето на моќта“ @ Аула
16:00 – 17:30 Анастас Вангели „(не)Демократија“ @ Аула
18:00 – 19:00 Изложба на фотографии од настани на Студентски пленум @ Аула
19:30 – 20:00 Перформанс „Ова не е војна“ @ Аула
20:00 – 21:30 Проекција на “Berkley in the Sixties” @ А3