Амбасадорот на Република Франција, Кристиан Тимоние денеска заедно со министерот за транспорт и врски Горан Сугарески ќе го посетат градилиштето на делницата на автопатот Демир Капија – Смоквица.
Оваа автопатска делница е долга околу 28 километри и е еден од најзначајните инфраструктурни проекти во Македонија. Станува збор за значаен меѓународен патен правец на Коридорот 10 кој поминува низ Македонија и со кој се поврзуваат земјите од север со југ.
Дел од средствата за изградбата на овој автопат се обезбедени преку ИПА програмата финансирана од Европската унија.
Францускиот амбасадор и министерот Сугарески во просториите на ЕЖИС Интернационал ќе се сретнат со оперативниот директор за Европа и Централна Азија, Давид Пушел и со директорот за развој на бизнисот во регионот на Балканот, Клотилд Арман.
Конзорциумот на ЕЖИС Интернационал и ИРД беа назначени за контрола на работниот договор за активностите поврзани со изградбата на новата автопатска делница.