Француски филмски фестивал во Охрид

Од:

Со филмот „Збогување со кралицата“ на режисерот Беноа Жако, во Центарот за култура во Охрид вечер ќе биде отворен Францускиот филмски фестивал.

Годинашното петто издание на фестивалот го организира Францускиот институт во Скопје, со поддршка на Министерството за култура и градот Охрид, и првпат оваа година регионот на Долна Нормандија.

Фестивалот ќе трае до 5-ти јули и на него ќе бидат прикажани најновите остварувања од француската кинематографија. Предвидено е да се прикажат девет долгометражни и 12 краткометражни филмови.

Фестивалските денови ќе ги затвори филмот „Никаквица“ на режисерот Жак Дојон, кому оваа година ќе му биде доделена наградата за животно дело. Покрај оваа награда жири комисијата, под претседателство на македонскиот режисер Антонио Митриќески, ќе додели и награда за најдобар филм, актер и актерка.

Како и изминатите, така и ова петто издание ќе биде под заедничко претседателство на Макс Азуле и Јордан Плевнеш.

Посетителите и оваа година ќе имаат невообичаена можност после секоја од проекциите да поразговараат со гостите учесници на фимските остварувања меѓу кои се Ева Јонеско, Абрахам Белага, Филип Легоржи и Жил Торанж.

Фестивалот претставува најпрестижна француско-македонска манифестација и е значајна за македонската кинематографија бидејќи дава можност да се зацврстат темелите на идната соработка меѓу францускиот и македонскиот филм, да се отворат можности за размена на уметници, продуценти, режисери, размена на искуства со земја која претставува лидер во европската кинематографија.

Би можело да ве интересира

Македонскиот филм „Лена и Владимир“ добитник на наградата за најдобар дебитантски филм на Фестивалот на Југоисточна Европа 2025

Потврдено е: Дензел Вашингтон ќе глуми во новиот филм „Black Panther 3“

Во Прилеп свечено отворен 59. МТФ „Војдан Чернодрински“

Предраг Петровиќ

Уникатно африканско доживување на ОФФест со маестралниот Вју Фарка Туре и Флоренс Адони

ДУИ со забелешка на унапредувањата во Министерството за култура

„Мит и стварност“ – нова книга од Паскал Гилевски

Предраг Петровиќ