Градоначалникот на Општина Центар, Андреј Жерновски и амбасадорката на Република Франција, Н.Е. Лоренс Оер, беа во посета на градинката „Кочо Рацин“.
Амбасадорката кажа дека условите во кои престојуваат, си играат и се едуцираат децата се одлични и дека во Франција и во другите земји на ЕУ, би биле горди и задоволни од ваква градинка.
„Градоначалникот Жерновски и објасни дека градинката е градена исклучиво со средства од буџетот на општина Центар, како и тоа дека во изградбата се користени најсовремени и најквалитетни материјали. Жерновски и Оер уживаа и во програмата која ја изведоа децата од градинката „Кочо Рацин“, стои во соопштението.