Француската амбасадорка Лоренс Оер во работна посета на Берово

Од:

Во работна посета на општина Берово, денеска престојуваше амабасадорката на Република Франција во Македонија, Лоренс Оер, која оствари и средба со градоначалникот на Берово Драги Наџински.

На средбата се разговарало за проширување на француско-македонската соработка, поточно со регионот Долна Нормандија. Инаку, пред 3 години општина Берово воспостави соработка со општината Ливаро од Долна Нормандија што резултираше со презентирање на малешевското сирење на саемот во Ливаро, како и со посета на група ученици од општинското основното училиште „Дедо Иљо Малешевски“-Берово кои го изучуваат францускиот јазик.

– Многу сум задоволна од денешната прва моја посета на Берово и од можноста да ги запознаам туристичките потенцијали на малешевијата, која изобилува со прекрасни шумски пејзажи, водени ресурси, ливади и пасишта, што овозможува проширување на воспоставената соработка помеѓу Ливаро и Берово, истакна амасадорката Оер.

За време на денешниот престој во Берово француската амбасадорка го посети основното училиште „Дедо Иљо Малешевски“, Манасирскиот комплекс „Св. Архангел Михаил“ и познатите туристички локалитети во овој крај.

Берово, нагласи меѓу другото градоначалникот Наџински, е една од седумте македонски општини што имаат економска и културна соработка со регионот Долна Нормандија од Република Франција.

Би можело да ве интересира

Пекевски: Месното население и компаниите да се вклучат во гаснење на пожарот на планината Готен

Затворена е кујната во Домот за стари лица во Берово по појавата на стомачни тегоби

ВМРО-ДПМНЕ: Жерновски не избламира пред членка на ЕУ и никогаш не стана амбасадор, следбеник на Заев и ,,Бојко љубави” дипломатијата

Предраг Петровиќ

МНР: Во близина на Суботица во сообраќајка загина маж од Македонија, во несреќата тешко повреден е сопатник

Горан Наумовски

Мајка и три деца, македонски државјани, се евакуирани од Израел

Вкупно 22 македонски државјани побарале помош за напуштање на територија на Израел и враќање во земјава

Предраг Петровиќ