Во Кочани речиси пред секое избирачко место може да се забележат по неколку униформирани лица и по еден полициски автомобил. Униформираните лица постојано им приоѓаат на граѓаните што се приближуваат кон избирачките места.
Засиленото полициско присуство е највидливо кај избирачкото место 846, кое се наоѓа во комплексот „АСНОМ“, кој е во непосредна близина на Ромското маало. На само десетина метри од влезот во избирачкото место беа паркирани три полициски автомобили, едно возило на специјалната единица „Алфи“ и беа присутни над десетина униформирани лице.
Сите автомобили што поминуваа во овој регион беа сопирани и легитимирани. На прашањето упатено до униформираните лица која е причината за зголемениот број на полициска контрола пред ова место, добивме одговор дека станува збор само за рутинска контрола.
М. Р.