Доцна синоќа во централното градско подрачје на улицата „Димитар Влахов“, каде подолг период се одвиваат градежни зафати, се појави свлечиште кое се прошири на патот.
Полицијата веднаш интервенираше со тоа што ја затвори улицата за сообраќај. ЈП Проаква пак ги исклучи вентилите за довод на вода, па жителите од овој дел на Охрид и стариот град цела ноќ и утрово немаа вода.
Кај Свлечилиштето наспроти ЗОИЛ видно е пропаднат тротоарот и овој потег претставува опасност за пешаците, а жителите од околните куќи стравуваат од натамошно пропаѓање на земјиштето и бараат итна санација на проблемот.