Откако синоќа за да се постави бината за собирот организиран од Груевски се исече и семафорот пред Триумфалната порта, денеска се постави и висока ограда која ја дели улицата пред Собрание од Жена парк.
Со оградата присутните на собирот ќе бидат оневозможени да го напуштат просторот и ќе мора да стојат тука се до завршувањето, односно ќе бидат како затворени во кафез. Целта е да се направи подолга колона на потесен простор.
Просторот пред Собрание, каде вечерва ќе се одржи митингот на ВМРО-ДПМНЕ е како вистинско градилиште. Се поставува бина и на неколку локации и озвучување. Сообраќајот е затворен.
