Деновиве уништени се повеќе дрвја околу локалитетот Плаошник во Охрид. Покрај патеката која води до црквата „Св. Јован Канео“, во близина на просторот каде што се изведуваат градежни работи при изградбата на новите објекти кај Плаошник, исечени се дрвјата кои се дел од шумата во тој реон.
Изведувањето на градежните работи кај Плаошник уште од самиот почеток се држат во тајност, а бидејќи тоа е дел од старото градско јадро на Охрид, надлежностите ги има централната власт.
Ликот на тој дел од градот комплетно се менува, а огромните градби во рамки на универзитетскиот комплекс што никнуваат го покриваат еден од најубавите духовни центри во државата.
Изведувањето на градежните активности во изградбата на Свети Климентовиот универзитет неодамна ги видоа и од УНЕСКО.
Имено, во посета на објектите,на увид беше делегација на експерти од УНЕСКО, а ниту една државна институција, било државна, било локална, до денес се уште нема соопштено каков беше извештајот од таа посета.
Ф.Ј.