Во пресрет на финалето на фудбалскиот куп на Македонија градоначалникот на Тетово Теута Арифи се сретна со фудбалските тимови на Тетекс и Шкендија. Побара мечот да се одигра во фер и спортска атмосфера.
Ветување дека на теренот ќе се игра квалитетен фудбал дадоа тренерите на двата тетовски тимови.
„Баравме од навивачите да има фер и коректно навивање“, рече тренерот на ФК „Шкендија“ Артим Шаќири.
„Тоа е празничен ден за Тетово, бидејќи кој и да победи пехарот ќе го донесе во Тетово“, изјави тренерот на ФК „Тетекс“ Горазд Михаилов.
Финалето на купот на Македонија ќе се игра во среда на арената „Филип Втори“ во Скопје, а на него за прв пат ќе играат два тетовски тимови.
