Започна отвореното заседание на Професорскиот и Студентскиот пленум пред Собранието на Република Македонија.
Се дискутира за на претстојните масовни демонстрации на незадоволство и револт, како и начинот на организиран отпор кон предложените штетни измени во образованието.
Владимир Мартиновски во име на Студентскиот и Професорскиот пленум, побара повлекување на Законот за високо образование, нови решенија и јавна расправа за нив.
Иако уредно побарале, спикерот Трајко Вељаноски не им дозволил да присуствуваат на комисиската расправа.
Пратениците ги повикаа денешната собраниска расправа да ја прекинат.
„Само нов закон може да биде решение. Ако Собранието сепак изгласа закон не по барање на граѓаните, туку по терка на Владата, тогаш ќе го урне легитимитетот и ќе биде Партиска школа, а не Храм на демократијата. Го повикуваме претседателот Ѓорге Иванов да собере храброст и да каже „не“ за ваков закон. Ако и ова не се случи, тогаш ни останува граѓански отпор. Затоа ве повикуваме да ги слушнете нашите барања. Ги упатуваме не како на угнетувачи, туку како на избрани лица од народот“, се вели во писмото до пратениците од Професорскиот и Студентскиот пленум.