На влезот во Охрид, од страната на патот за Битола со месеци стојат купишта со камења. Жителите на населбата „15-ти Корпус“ се жалат дека камењата веќе подолго време никој не ги трга, а ниту пак знаат зошто служат истите и зошто стојат тука.
Сликата која посетителите ја добиваат уште на влезот на градот не е баш сјајна.
Охрид, како град кој претендира да го има во светската туристичка понуда не смее да си дозволи вака неуреден влез да биде првиот впечаток кај туристите и посетителите.
Локалната самоуправа пред неколку месеци во медиумите објави дека го средиле влезот од страната на патот за Скопје со поставување на импровизирана охридска куќа која стоеше на кејот, која најверојатно беше единствената градба планиранa за 2014 година.
Ф.Ј.