Стариот дел на Охрид воопшто не е влезен во агендата за расчистување на улиците од страна на надлежните. Улиците се целосно со мраз и снег и воопшто не се исчистени. Не се фрлени ниту сол и песок.
Улицата „Илинденска“ која претставува главниот приод до Античкиот Театар и до повеќето споменици во стариот дел е скоро блокирана и по неа не можат да се движат возила. Патот до Канео, преку улицата „Кочо Рацин“ исто така е под мраз и е скоро невозможно да се движи по неа. Иста е и состојбата со улицата „Григор Прличев“.
Жителите на стариот дел на Охрид се револтирани што се оставени и заборавени од надлежните. Тие револтирано зборуваат за тешкотиите при движењето низ „калето“.
Многу од овдешните жители се стари лица кои не можат да се движат во вакви услови. Тие се заробени во нивните домови. И сето тоа се случува во центарот на градот, а зборуваме дека улиците биле чисти. Еве видете колку се чисти – револтирано зборуваат жителите на стариот дел на Охрид.
Во текот на денешниот ден иста беше состојбата со неколку охридски населби. Ниту се чистеа, ниту пак беа прскани со сол и песок. Не беа исчистени ниту тротоарите и во најстрогиот центар на градот. Сообраќајниот метеж кој се создаваше денеска, не е убава слика пред туристите кои се допатувани и треба да допатуваат за новогодишните празници.
Ф.Ј.