Градоначалникот на општина Центар, Андреј Жерновски, во својот кабинет го прими и разговараше со амбасадорот на САД во Република Македонија, Пол Волерс.
На оваа прва средба, по стапувањето на Жерновски на функцијата градоначалник на Центар, двајцата соговорници разговараа за неодамна одржаните локални избори, за состојбите во опозицијата и во тој контекст и за натамошните чекори.
На 80 минутната средба, двајцата соговорници разменија мислења и за прашањето на името и за Евро-атланските аспирации на Република Македонија.
Посочени се и задачите на кои Македонија мора посветено да работи за остварување на заедничката цел на сите, а тоа е полноправно членство во ЕУ и НАТО.
Амбасадорот Волерс уште еднаш ја потвдри подршката која САД и` ја даваат на Република Македонија.
На средбата Жерновски-Волерс се разговараше и за севкупната политичко-економска состојба во Република Македонија.