Актуелната политичка ситуација во Македонија, можните излезни решенија, демократските капацитети на земјава и евро-атлантските перспективи беа тема на денешната средба на тесното партиско раководство на СДСМ со членот на бордот на директори на НДИ, со големо политичко искуство како претставник на Демократската партија во САД, Хауард Дин.
Како најголема опозициска партија правиме чекори што водат кон стабилизирање на Македонија, којашто последниве неколку години функционира на ниво на режим, рече претседателот на СДСМ, Зоран Заев.
Тој ја објасни потребата од создавање услови за реализација на загрозеното уставно право на слободен избор на гласачите во земјава како и предлогот на опозицијата за формирање техничка влада којашто ќе спроведе слободни и фер избори.
Високиот претставик од НДИ, Хауард Дин се интересираше за вчерашниот неуспешен состанок на лидерската средба. На состанокот со раководството на СДСМ стана збор и за стратегијата на СДСМ за натамошно дејствување на опозицијата и за општата политичка клима во државата.
Претставникиот од НДИ, Дин, порача дека е од интерес на Македонија почитување на европските вредности и евро-атлантска иднина на државата.