Охридското пристаниште од денеска ќе го краси споменикот „Фаќач на крст“ кој е поставен во чест на христијанскиот празник Богојавление – Водици. Изработката и поставувањето на споменикот го финансираше бизнисменот Ванчо Чифлиганец кој во 2012 година беше кум на чествувањето на големиот празник во Охрид.
Постаментот на споменикот е висок два метри, додека самата скулптура е висока околу три метри и е изработена од бронза. „Фаќаќот на крст“ е дело на велешкиот скулптор, Ангел Коруновски, чие дело како најдобро решение беше избрано на јавен конкурс во 2012 година.
Ф.Ј.